Table of Contents
डॉल्फिन परतले
डॉल्फिन परतले व्हेनिसच्या कालव्यात
मी काल रात्री कल्कीला पहिला
रेड झोनमधून ग्रीन झोनमध्ये शिरताना
मास्क घालून घोड्यावर
एका हातात तलवार दुसर्‍यात सॅनिटाईझर
त्याच्या घोड्यानेही मास्क घातलेला
डॉल्फिन परतले व्हेनिसच्या कालव्यात
पण एखाद वेळेस लॉकडाऊनही संपेल पण
माझया मनातचा क्वॉरनटायीन नाही संपणार कधीच
मी माझ्या कोरड्या कालव्यात वाट बघत बसतो
पण डॉल्फिन कधीच नाही परतणार माझ्या भकास कालव्यात
डॉल्फिन परतले व्हेनिसच्या कालव्यात
आणि माझ्या डोळ्यांसमोर मी पाहिला
मास्क युगापूर्वीचा समाज कालबाह्य होताना
डॉल्फिन परतले व्हेनिसच्या कालव्यात
आणि मी स्वप्नात पाहतो
चालू असलेल्या झूम मीटिंगमध्ये
माझेच शेकडो चेहरे
मास्क घातलेले
मी पाहतोय हाताच्या बोटांचे डॉल्फिन होताना
त्यांच्या तोंडावरही कोणीतरी मास्क बांधलेत
ते आता कधीच गाणार नाहीत गाणी
माद्यांना रिझवण्यासाठी
की बाळांना झोपवण्यासाठी
डॉल्फिन परतलेत
पण कालवे आता तेच राहिले नाहीत
Singularity आणि ऊर्ध्वमूल अश्वत्त
लाकडी टॅब्लेवर
माझी लाकडी बोट होऊन उतरतात
उलट्या वडाच्या
डीप न्यूरल पारिम्ब्या
माझ्याच मनात लॉग इन करण्यापूर्वी
माझंच मन मला capcha देतं
पण मी बॉट नाही हे मी शाबित करू शकत नाही
त्याची पानं छंद आहेत ना
त्याच्या ह्या virtual पानातून सर सर वाहतो
सत्त्व रज तमचे ट्युरिंग वारे
यंत्र आणि माझं विशिष्ट अद्वैत
मी बॉट आहे आणि बॉट मी
हे शाम्बद्वय सिद्ध आहे
आता फक्त निरंजन पाहणं उरत
अधिक देखण्याच्या पंâदात कशाला पडता राव
ह्याला कोणीच हॅक करू शकत नाही
नाश्ता रेडीय
माझं प्रेम
पांढर्‍या शुभ्र रिकाम्या कप बशीसारखं
मुकाट्यानं टेबलावर बसलंय
मी माझ्या हृदयाचं अन्डं फोडून
ओततो कपात सोनेरी रस
आणि एक करप्ट सूर्य
रिकाम्या कपात
ब्रेडच्या स्लाइसमध्ये राहून गेलेत
माझे हॅक झालेले डोळे
दुपारी वेळ मिळाल्यावर त्यांचे पासवर्ड बदल
सचिन म्हणे
साधो यह मुर्दो का गाव
असं कबीर म्हणाला होता
पानी केरा बुद् बुदा
असु मानुस की जात
असं ही तो म्हणाला होता
हिंदूंकी हिंदवाई देखी
तुर्वâन की तुर्काइ
असं बरंच काही तो म्हणाला होता
मी म्हणालो
आपल्याला कायपन फरक पडत नाय भो
हम चुतिये थे
और चुतीये ही रहेंगे
निळी गिटार वाजवणारा माणूस
(वोलेस स्टिव्हनससाठी)
एके रात्री
एलसीडी आकाशात
हँग झालेल्या
वितळणार्‍या चंद्र्कोरी खाली
पानांच्या जागी डोळे असलेल्या झाडाखाली
उभा होतो
हातात
माझ्या आत्म्याची
निळी गिटार
माझी बोटं असतात
गिटारच्या तारा
माझ्या पुढे एक
न वाहणारी नदी
त्यात लॉक झालेलं (lock)
एक चंद्रबिंब
ह्या चंद्रालाच ऐकवतो
माझी घारी ब्लोन्ड गाणी
आणि काळाचं एक काळं कुत्र
इतकेच माझे श्रोते
मी विझलेल्या अमावास्येचा प्राणी
सगळ्या बुबुळांवर साठलेल्या धुळीच्या थराना
धुणारं पाणी
म्हणजेच
माझ्या निळ्या गिटारवर
गायलेली गाणी
सनी लिओनी आणि लॉरेन्झचं फुलपाखरू
सहाराच्या वाळवंटात कुठेतरी
लॉरेन्झच्या फुलपाखराने पंख फडफडवत यामुळे
चीनमध्ये आलेल्या चक्री वादळासारखी तू
येऊन धडकलीस आमच्या हँग झालेल्या
जागतिक खेड्यात
थर्मोडायनामिकसच्या सगळ्याच नियमांपलीकडे
तुझं साम्राज्य
ेंट्रोपीपेक्षाही सुंदर तू
मृत्यूसारखी
आणि माहितीसारखी तू अनप्रेडिक्टएबल इररिव्हर्सेबल
जिथे वासना होते रिडनडंट
जिथे काया असते व्हच्र्युअलिटी
अन् आत्मा हा विठ्ठलाची बायनरी अनअवअ‍ॅबिलिटी
आणि आता मन कुठे इतरस्र धावेलच कसं
तू जरी असशील मृगजलाची गंगोत्री डिजिटल
आणि संतुलन हरवलेलं असेल
माझं स्टोकॅस्टीक मन
पण तुझ्या बाहेरच
हे कोरडं कोडगं जग स्ट्रेनज अट्रॅक्टर
पुन्हा आणून सोडत मला
जिथे मी पूर्वी होतो
आयुष्य असं रिकरसिव असतं
मृत्यू ते मृत्यू मधली जागा असते
फ्रेकटल
मागच्या दोन वर्षांसाठी एक चारोळी
धक्कादायकविश्वासचबसतनाहीअतिशयदु:खदबातमी
विनम्रअभिवादनभावपूर्णश्रद्धांजलीओमशांतीअरेरे
धक्कादायकविश्वासचबसतनाहीअतिशयदु:खदबातमी
विनम्रअभिवादनभावपूर्णश्रद्धांजलीओमशांतीअरेरे
